កម្រងសំណួរចម្លើយ

កម្រងសំណួរចម្លើយពីការទាមទារសំណង

+ បង្ហាញទាំងអស់

សូមធ្វើតាមការណែនាំតាមរយៈ តាមរយៈតំណនេះ

AIA សម្រាប់ជីវិត

+ បង្ហាញទាំងអស់

១. តើអត្ថប្រយោជន៍សម្រាប់ព្យាបាល អាចជួយខ្ញុំយ៉ាងដូចម្តេច?

ប្រសិនបើលោកអ្នកធ្វើរោគវិនិច្ឆ័យឃើញថាមានជំងឺធ្ងន់ធ្ងរណាមួយ ដូចដែលបានធានាដោយអត្ថប្រយោជន៍ធានារ៉ាប់រងនេះ នៅក្នុងអំឡុងពេលធានារ៉ាប់រងរបស់អ្នក យើងនឹងផ្តល់ជូនអ្នកនូវអត្ថប្រយោជន៍សម្រាប់ព្យាបាល ដើម្បីបន្ថយបន្ទុករបស់អ្នកលើការចំណាយថ្លៃវេជ្ជសាស្ត្រដែលមានតម្លៃថ្លៃ។ ចំនួនទឹកប្រាក់ដែលយើងផ្តល់ជូនអ្នក គឺស្មើនឹងចំនួនទឹកប្រាក់នៃអត្ថប្រយោជន៍នេះ ដកនឹងចំនួនទឹកប្រាក់អត្ថប្រយោជន៍សរុបដែលយើងបានផ្តល់ជូនអ្នករួចមកហើយ។ កិច្ចសន្យាធានារ៉ាប់រង នឹងកំណត់យ៉ាងជាក់លាក់អំពីជំងឺធ្ងន់ធ្ងរទាំងនោះ។

២. តើអត្ថប្រយោជន៍ស្តារនីតិសម្បទា អាចជួយខ្ញុំបានយ៉ាងដូចម្តេច?

ប្រសិនបើមានហេតុការណ៍អកុសលណាមួយដែលបណ្តាលឲ្យលោកអ្នកបាត់បង់អវៈយវៈ ឬចក្ខុវិញ្ញាណ ដូចដែលបានធានាដោយអត្ថប្រយោជន៍ធានារ៉ាប់រងនេះ នៅក្នុងអំឡុងពេលធានារ៉ាប់រងរបស់អ្នក យើងនឹងផ្តល់ជូនអ្នកនូវអត្ថប្រយោជន៍ស្តារនីតិសម្បទា ដើម្បីសម្រាលការចំណាយដែលមិនបានព្រាងទុក។ ក្នុងចំណោម (១) ចំនួនទឹកប្រាក់អត្ថប្រយោជន៍ស្តារនីតិសម្បទា (២) ចំនួនទឹកប្រាក់នៅក្នុងគណនីធានារ៉ាប់រងរបស់អ្នក និង (៣) ចំនួនទឹកប្រាក់បុព្វលាភសរុបដែលអ្នកបានបង់សម្រាប់បណ្ណសន្យារ៉ាប់រងបឋមមុនពេលធ្វើសំណង យើងនឹងផ្តល់ជូនអ្នកនូវចំនួនណាមួយដែលខ្ពស់ជាងគេ ដោយដកនឹងចំនួនទឹកប្រាក់អត្ថប្រយោជន៍សរុបដែលយើងបានផ្តល់ជូនអ្នករួចមកហើយ។

៣. តើអត្ថប្រយោជន៍ការពារគ្រួសារ អាចជួយខ្ញុំបានយ៉ាងដូចម្តេច?

ប្រសិនបើអ្នកទទួលមរណភាពក្នុងអំឡុងពេលធានារ៉ាប់រង យើងនឹងផ្តល់អត្ថប្រយោជន៍ការពារគ្រួសារជូនដល់អ្នកទទួលផល ដើម្បីជួយជ្រោមជ្រែងការរស់នៅរបស់ពួកគេ។ ក្នុងចំណោម (១) ចំនួនទឹកប្រាក់អត្ថប្រយោជន៍ការពារគ្រួសារ (២) ចំនួនទឹកប្រាក់នៅក្នុងគណនីធានារ៉ាប់រងរបស់អ្នក និង (៣) ចំនួនទឹកប្រាក់បុព្វលាភសរុបដែលអ្នកបានបង់សម្រាប់បណ្ណសន្យារ៉ាប់រងបឋមមុនពេលធ្វើសំណង យើងនឹងផ្តល់ជូនអ្នកនូវចំនួនណាមួយដែលខ្ពស់ជាងគេ ដោយដកនឹងចំនួនទឹកប្រាក់អត្ថប្រយោជន៍សរុបដែលយើងបានផ្តល់ជូនអ្នករួចមកហើយ។

៤. តើចំនួនទឹកប្រាក់នៅក្នុងគណនីធានារ៉ាប់រង (ឬហៅថា តម្លៃគណនីបណ្ណសន្យារ៉ាប់រង) សំដៅទៅលើអ្វី?

ចំនួនទឹកប្រាក់នៅក្នុងគណនីធានារ៉ាប់រង (ឬហៅថា តម្លៃគណនីបណ្ណសន្យារ៉ាប់រង) គឺជាចំនួនទឹកប្រាក់ដែលអ្នកនឹងទទួលបានប្រសិនបើអ្នកបញ្ចប់បណ្ណសន្យារ៉ាប់រង នៅក្នុងអំឡុងពេលធានារ៉ាប់រង។ យើងនឹងកំណត់តម្លៃគណនីបណ្ណសន្យារ៉ាប់រងរបស់អ្នកដោយ៖

១. បូកបញ្ចូលនូវទឹកប្រាក់បុព្វលាភដែលអ្នកបានបង់សម្រាប់បណ្ណសន្យារ៉ាប់រងបឋមរបស់អ្នក ជាមួយនឹងការប្រាក់នៃបណ្ណសន្យារ៉ាប់រង ព្រមទាំង

២. ដកកម្រៃបណ្ណសន្យារ៉ាប់រងរបស់អ្នក ការចំណាយលើសំណងរបស់អ្នក (បើមាន) និងចំនួនទឹកប្រាក់ដែលអ្នកបានដកចេញពីបណ្ណសន្យារ៉ាប់រងរបស់អ្នក (បើមាន)។

ការប្រាក់នៃបណ្ណសន្យារ៉ាប់រង និងកម្រៃបណ្ណសន្យារ៉ាប់រង មិនត្រូវបានកំណត់នោះទេ។ យើងរក្សាសិទ្ធិកែប្រែការប្រាក់ និងកម្រៃ សម្រាប់បណ្ណសន្យារ៉ាប់រងរបស់អ្នក ដោយយោងតាមស្ថានភាពនៃអត្រាការប្រាក់ និងលក្ខខណ្ឌប្រតិបត្តិការនៅកម្ពុជា។

៥. តើពេលណាខ្ញុំអាចទទួលបានអត្ថប្រយោជន៍ចំពោះការមិនទាមទារសំណង?

យើងនឹងផ្តល់ជូនអ្នកនូវអត្ថប្រយោជន៍ចំពោះការមិនទាមទារសំណង ប្រសិនបើបណ្ណសន្យារ៉ាប់រង នៅតែមានសុពលភាព នៅចុងបញ្ចប់នៃរយៈពេលធានារ៉ាប់រង ហើយអ្នក (ឬអ្នកទទួលផល) មិនបានធ្វើការទាមទារសំណងពីបណ្ណសន្យារ៉ាប់រងរបស់អ្នក។

អត្ថប្រយោជន៍ចំពោះការមិនទាមទារសំណង គឺជាតម្លៃគណនីសន្យារ៉ាប់រងរបស់អ្នក។ យើងនឹងកំណត់ចំនួនទឹកប្រាក់អប្បបរិមានៃអត្ថប្រយោជន៍ចំពោះការមិនទាមទារសំណង នៅក្នុងកិច្ចសន្យាធានារ៉ាប់រង។ អត្ថប្រយោជន៍ចំពោះការមិនទាមទារសំណង ដែលអាចផ្តល់ជូនអ្នកនៅចុងបញ្ចប់នៃរយៈពេលធានា នឹងមិនអាចទាបជាងចំនួនទឹកប្រាក់នេះទេ ប្រសិនបើអ្នកមិនបំពានខចែង និងលក្ខខណ្ឌពាក់ព័ន្ធនៅក្នុងកិច្ចសន្យារ៉ាប់រង។

៦. តើខ្ញុំអាចធ្វើខ្លះ ប្រសិនបើតម្រូវការ ឬលទ្ធភាពហិរញ្ញវត្ថុរបស់ខ្ញុំ មានការប្រែប្រួលនៅពេលក្រោយ?

ប្រសិនបើតម្រូវការ ឬលទ្ធភាពហិរញ្ញវត្ថុរបស់អ្នក មានការប្រែប្រួលនៅថ្ងៃអនាគត អ្នកអាច៖

១. បង្កើន ឬបន្ថយចំនួនទឹកប្រាក់អត្ថប្រយោជន៍សម្រាប់បណ្ណសន្យារ៉ាប់រងរបស់អ្នក ដោយមានការបញ្ជាក់ពីការធានា និងកំណត់នានាពីយើង ព្រមទាំង/ឬក៏

២. បន្ថែម ឬដកចេញនូវការធានារ៉ាប់រងសម្រាប់បណ្ណសន្យារ៉ាប់រងរបស់អ្នក ដោយមានការបញ្ជាក់ពីការធានា និងកំណត់នានាពីយើង ព្រមទាំង/ឬក៏

៣. បង្កើន ឬបន្ថយទឹកប្រាក់បុព្វលាភនៃបណ្ណសន្យារ៉ាប់របស់អ្នក ដោយមានការកំណត់នានាពីយើង ព្រមទាំង/ឬក៏

៤. ដកប្រាក់ពីតម្លៃគណនីបណ្ណសន្យារ៉ាប់រងទាំងស្រុង ឬដោយផ្នែក។

យើងនឹងជួយអ្នកឲ្យយល់ច្បាស់ពីជម្រើសទាំងឡាយដែលអ្នកមាន នឹងលទ្ធផលរបស់វាចំពោះបណ្ណសន្យរ៉ាប់រងរបស់អ្នក មុនពេលអ្នកសម្រេចចិត្តធ្វើការផ្លាស់ប្តូរណាមួយ។ សូមចំណាំថា ប្រសិនបើអ្នកធ្វើការផ្លាស់ប្តូរខាងលើ នោះចំនួនទឹកប្រាក់អត្ថប្រយោជន៍ចំពោះការមិនទាមទារសំណងអប្បបរិមាដែលត្រូវបានធានា និងកំណត់ក្នុងកិច្ចសន្យារ៉ាប់រង នឹងត្រូវប្រែប្រួល ហើយបណ្ណសន្យារ៉ាប់រងរបស់អ្នកអាចនឹងមិនមានសុពលភាពដល់ចុងបញ្ចប់នៃរយៈពេលធានារ៉ាប់រង។

៧. តើការបង់ប្រាក់បុព្វលាភរៀងរាល់ឆ្នាំ មានគុណសម្បត្តិយ៉ាងដូចម្តេច?

អ្នកអាចជ្រើសរើសបង់ប្រាក់បុព្វលាភសម្រាប់បណ្ណសន្យារ៉ាប់រងរបស់អ្នកប្រចាំឆ្នាំ (មួយឆ្នាំម្តង) ប្រចាំឆមាស (៦ខែម្តង) ឬប្រចាំខែ (មួយខែម្តង)។ ប្រសិនបើអ្នកបង់ប្រចាំឆ្នាំំ អ្នកនឹងចំណាយ កាន់តែតិច ដូចដែលមានបង្ហាញក្នុងការគណនាប្រាក់បុព្វលាភសម្រាប់អ្នក។ ហើយប្រសិនបើអ្នកធ្វើការទាមទារសំណង ការបង់ប្រាក់បុព្វលាភប្រចាំឆ្នាំអនុញ្ញាតឲ្យយើងអាចផ្តល់សំណងជូនអ្នកបានយ៉ាងពេញលេញ ហើយច្រើនជាងការបង់ប្រចាំឆមាស ឬប្រចាំខែ។

ទូទាត់ប្រាក់បុព្វលាភ

+ បង្ហាញទាំងអស់

១. តើខ្ញុំត្រូវបង់ប្រាក់បុព្វលាភបណ្ណសន្យារ៉ាប់រងរបស់ខ្ញុំដូចម្តេច?

អ្នកអាចបង់ប្រាក់បុព្វលាភបណ្ណសន្យារ៉ាប់រងរបស់អ្នកតាមរយៈ៖

បណ្ណ វីសា ឬ ម៉ាស្ទ័រ
សាខាធនាគារសាធារណៈ
សាខាគ្រឹះស្ថានមីក្រូហិរញ្ញវត្ថុអម្រឹត
កម្មវិធីទូរស័ព្ទដៃវីង ឬ ភ្នាក់ងារវីង
កម្មវិធីទូរស័ព្ទដៃ Pi Pay
កម្មវិធីទូរស័ព្ទដៃ ABA Mobile
កម្មវិធីទូរស័ព្ទដៃ ACLEDA Unity ToanChet
កម្មវិធីទូរស័ព្ទដៃ Sathapana Mobile

២. តើខ្ញុំត្រូវអស់ថ្លៃសេវាបង់ប្រាក់បន្ថែមលើតម្លៃប្រាក់បុព្វលាភរបស់ខ្ញុំ?

អ្នកមិនត្រូវបង់ថ្លៃសេវាបង់ប្រាក់នេះឡើយ។

៣. តើខ្ញុំត្រូវធ្វើដូចម្តេច ប្រសិនជាខ្ញុំបានបង់ប្រាក់លើសចំនួន?

អ្នកត្រូវទាក់ទងមកកាន់ សេវាបម្រើអតិថិជន AIA Client Care យើងខ្ញុំ តាមរយៈ ០៨៦ ៩៩៩ ២៤២ យើងខ្ញុំនឹងជួយលោកអ្នក។

របៀបប្រើប្រាស់ AIAខ្ញុំ

+ បង្ហាញទាំងអស់

របៀបចុះឈ្មោះចូលប្រើ AIAខ្ញុំ

ចូលទៅកាន់គេហទំព័រ www.aia.com.kh រួចធ្វើតាមការណែនាំដូចខាងក្រោម៖

ចុចលើ “AIAខ្ញុំ” រួច
ចុចលើ “ចុះឈ្មោះឥឡូវនេះ”
បញ្ចូលលេខទូរស័ព្ទ (ដូចលេខទូរស័ព្ទដែលបានដាក់នៅពេលទទួលបណ្ណសន្យារ៉ាប់រង)
បញ្ចូលថ្ងៃ ខែ ឆ្នាំកំណើត
បង្កើតពាក្យសម្ងាត់ដែលត្រូវ ចាប់ពី 8 ខ្ទង់ឡើងទៅ និងមានអក្សរឡាតាំងតូច ធំ លេខ និងមានតួរអក្សពិសេសយ៉ាងតិចមួយ។ ឧទាហរណ៏: Tola1234@
បញ្ជូលលេខកូដបណ្តោះអាសន្ន (OTP) ដើម្បីផ្ទៀងផ្ទាត់ជាការស្រេច

របៀបចូលប្រើ AIAខ្ញុំ

ចូលទៅកាន់គេហទំព័រ www.aia.com.kh រួចធ្វើតាមការណែនាំដូចខាងក្រោម៖បញ្ជូលលេខទូរស័ព្ទ និងពាក្យសម្ងាត់របស់លោកអ្នក
ចុចលើ “ចូលប្រើ”
បញ្ជូលលេខកូដបណ្តោះអាសន្ន (OTP) ដើម្បីធ្វើការផ្ទៀងផ្ទាត់

របៀបផ្លាស់ប្តូរពាក្យសម្ងាត់

ចូលទៅកាន់គេហទំព័រ www.aia.com.kh រួចធ្វើតាមការណែនាំដូចខាងក្រោម៖

ចូលប្រើ AIAខ្ញុំ
ចុចលើ “អំពីខ្ញុំ”
ចុចលើ “ប្តូរលេខសម្ងាត់”
បញ្ជូលលេខសម្ងាត់បច្ចុប្បន្ន
បញ្ជូលលេខសម្ងាត់ថ្មី
បញ្ជាក់លេខសម្ងាត់ថ្មី

ជំនួយបន្ថែម

ប្រសិនបើលោកអ្នកមានសំណួរដែលទាក់ទងនឹងការប្រើប្រាស់ AIAខ្ញុំ សូមទាក់ទងមកកាន់ផ្នែកបំរើសេវាអតិថិជនរបស់យើងតាមរយៈលេខទូរស័ព្ទ 023/086 999 242។

បុព្វលាភប្រែប្រួលសម្រាប់ជំងឺធ្ងន់ធ្ងរ

+ បង្ហាញទាំងអស់

ហេតុអ្វីបានជាបុព្វលាភរបស់ខ្ញុំផ្លាស់ប្តូរ?

បុព្វលាភសម្រាប់អត្ថប្រយោជន៍ លើជំងឺធ្ងន់ធ្ងរ ផ្លាស់ប្តូររៀងរាល់ 5 ឆ្នាំម្តង តាមកាលវិភាគបុព្វលាភសម្រាប់អត្ថប្រយោជន៍ លើជំងឺធ្ងន់ធ្ងរ នៅក្នុងការផ្តល់ជូនអតិថិជន។ ដើម្បីស្វែងយល់ពីការផ្លាស់ប្តូរនៃជំងឺធ្ងន់ធ្ងរក្នុងកិច្ចសន្យាធានារ៉ាប់រង សូមចូលទៅកាន់ AIA របស់ខ្ញុំ ឬទំនាក់ទំនងមកកាន់ 086/23 999 242។

តើអ្វីជាអត្ថប្រយោជន៍សម្រាប់ខ្ញុំក្នុងការបង់បុព្វលាភថ្មី?

ការការពារជំងឺធ្ងន់ធ្ងររបស់អ្នកនៅតែដូចគ្នានឹងផែនការការពាររបស់អ្នក ដើម្បីធានាតម្រូវការហិរញ្ញវត្ថុរបស់អ្នកនាពេលអនាគត។ សូមចុចទីនេះ បើអ្នកចង់បន្តការការពារជាមួយចំនួនទឹកប្រាក់ធានារ៉ាប់រងបច្ចុប្បន្នដោយធ្វើការផ្លាស់ប្តូរបុព្វលាភថ្មី។

តើខ្ញុំអាចបន្តបង់បុព្វលាភ (ដែលមានស្រាប់) ដដែលបានទេ?

បាទ/ចា អ្នកអាចធ្វើបាន។ប៉ុន្តែចំនួនទឹកប្រាក់ធានារ៉ាប់រងនៃជំងឺធ្ងន់ធ្ងររបស់អ្នកនឹងត្រូវបានកែសម្រួលទៅតាមនោះ។ សូមចុចទីនេះ

បើអ្នកចង់រក្សាបុព្វលាភដដែលដោយកែសម្រួលទឹកប្រាក់ធានារ៉ាប់រងនៃជំងឺធ្ងន់ធ្ងរ។

តើខ្ញុំអាចភ្ជាប់ការបញ្ជាកាត់ទឹកប្រាក់ដោយស្វ័យប្រវត្តិទៅកាន់បណ្ណសន្យារ៉ាប់រងរបស់ខ្ញុំដែលមិនចង់ឲ្យមានការរំខានដល់បណ្ណសន្យារ៉ាប់រង របស់ខ្ញុំដោយរបៀបណា?

អ្នកអាចភ្ជាប់ការបព្ជាកាត់ទឹកប្រាក់ដោយស្វ័យប្រវត្តិជាមួយដៃគូធនាគាររបស់យើងជាមួយនឹងជម្រើសដូចខាងក្រោម៖

សូមទំនាក់ទំនងសាខាណាមួយរបស់ធនាគារ កម្ពុជាសាធារណៈ គ្រឹះស្ថានមីក្រូហិរញ្ញវត្ថុអម្រឹត និងធនាគារ ព្រីនស៍ ដើម្បីបំពេញទម្រង់បែបបទណែនាំស្តីពីការបព្ជាកាត់ទឹកប្រាក់ដោយស្វ័យប្រវត្តិ
ទំនាក់ទំនងទីប្រឹក្សាផែនការជីវិតរបស់អ្នកសម្រាប់ជំនួយបន្ថែម ឬ ទំនាក់ទំនងភ្នាក់ងារបម្រើអតិថិជនយើងខ្ញុំតាមរយៈលេខទូរស័ព្ទ 086 999 242 ឬ 023 999 242

តើខ្ញុំអាចធ្វើការទូទាត់ចំនួនទឹកប្រាក់ថ្មីដែលបានកែប្រែសម្រាប់បណ្ណសន្យារ៉ាប់រងរបស់ខ្ញុំដោយរបៀបណា?

សូមចុចទីនេះ ដើម្បីពិនិត្យមើលជម្រើសនៃការទូទាត់ដែលមានស្រាប់។
ទំនាក់ទំនងទីប្រឹក្សាផែនការជីវិតរបស់អ្នកសម្រាប់ជំនួយបន្ថែម ឬ ទំនាក់ទំនងភ្នាក់ងារបម្រើអតិថិជនយើងខ្ញុំតាមរយៈលេខទូរស័ព្ទ 086 999 242 ឬ 023 999 242

បន្ទាប់ពីខ្ញុំភ្ជាប់ការបញ្ជាកាត់ទឹកប្រាក់ដោយស្វ័យប្រវត្តិ តើខ្ញុំដឹងដោយរបៀបណានៅពេលទឹកប្រាក់ត្រូវបានកាត់ចេញពីគណនីធនាគាររបស់ខ្ញុំសម្រាប់ការរទូទាត់បុព្វលាភ?

អេ អាយ អេ នឹងផ្ញើសារ ជូនដំណឹងទៅកាន់អ្នក។
ក្នុងករណីការកាត់បុព្វលាភមិនបានជោគជ័យ អ្នកនឹងទទួលបានការផ្ញើសារជូនដំណឹង ពី អេ អាយ អេ ។យើងក៏នឹងធ្វើការទំនាក់ទំនងទៅអ្នកដើម្បីផ្តល់ជាព័ត៌មានផងដែរ។

តើខ្ញុំអាចពន្យារពេលការបង់បុព្វលាភរបស់ខ្ញុំបានទេ?

អតិថិជនមានរយៈពេលអនុគ្រោះនៃការពន្យារពេលការបង់ប្រាក់ចំនួន30 ថ្ងៃបន្ទាប់ពីកាលបរិច្ឆេទទូទាត់បុព្វលាភបណ្ណសន្យារ៉ាប់រងរបស់អ្នក ដើម្បីឲ្យលោកអ្នកអាចទូទាត់បុព្វលាភដែលមិនទាន់បានបង់។

តើខ្ញុំអាចធានាថាការធានារ៉ាប់រងរបស់ខ្ញុំត្រូវបានបន្តការការពារបន្ទាប់ពីការបង់បុព្វលាភដោយរបៀបណា?

អ្នកអាចចូលទៅកាន់ AIA របស់ខ្ញុំ ដើម្បីធ្វើការពិនិត្យមើល។អ្នកនឹងទទួលបានការជូនដំណឹងតាមរយៈសារទូរស័ព្ទប្រសិនបើការធានារ៉ាប់រងរបស់អ្នកមិនត្រូវបានបន្ត។

តើមានអ្វីកើតឡើងប្រសិនបើខ្ញុំមិនបានបង់បុព្វលាភរបស់ខ្ញុំក្នុងរយៈពេលអនុគ្រោះនៃការពន្យារពេលការបង់ប្រាក់ចំនួន 30 ថ្ងៃ ?

ប្រសិនបើអ្នកមិនបានបង់បុព្វលាភរបស់អ្នកបន្ទាប់ពីរយៈពេលអនុគ្រោះរយៈពេល 30 ថ្ងៃ បណ្ណសន្យារ៉ាប់រងរបស់លោកអ្នកនឹងផ្អាកការការពារជាបណ្តោះអាសន្ន ហើយដូច្នេះលោកអ្នកនឹងមិនអាចទទួលបានការការពារ និងអត្ថប្រយោជន៍ផ្សេងៗទៀតបានទៀត។

តើខ្ញុំអាចធ្វើដូចម្តេចដើម្បីបង់បុព្វលាភរបស់ខ្ញុំប្រសិនបើខ្ញុំនៅក្រៅប្រទេស?

អ្នកអាចធ្វើការទូទាត់តាមរយៈ អនឡាញ Master/Visa credit ឬ Debit ។ សូមចុចទីនេះ “https://module.aia.com.kh/Payment/”
អ្នកក៏អាចធ្វើការទូទាត់តាមរយៈកម្មវិធីទូរស័ព្ទដៃរបស់ធនាគារអ្នក សូមចុចទីនេះដើម្បីមើលតារាងឈ្មោះធនាគារសហការ
យើងសូមណែនាំអ្នកដោយភ្ជាប់ការបញ្ជាកាត់ដោយស្វ័យប្រវត្តិតាមអនឡាញសូមចុច ទីនេះ ដើម្បីចុះឈ្មោះ
សម្រាប់ព័ត៌មានបន្ថែម ឬជំនួយសូមទំនាក់ទំនងមកកាន់យើងខ្ញុំតាមរយៈលេខទូរស័ព្ទ+855 86/23 999 242 ឬអ៊ីមែល kh.care@aia.com។

ដំណោះស្រាយ

AIA ងាយៗ លឿនៗ

AIA 3ការពារCOVID-19

AIA 3ការពារCOVID-19

អំពីដំណោះស្រាយធានារ៉ាប់រង អាយុជីវិត AIA ComCare

ការពារអាយុជីវិត

ការពារពេលមានជំងឺធ្ងន់ធ្ងរ

ការពារពេលមានគ្រោះថ្នាក់

សន្សំដើម្បីអនាគត

ការផ្តល់ជូនពិសេស

MYAIA SIGN UP

សំខាន់សម្រាប់អ្នក

អំពី អេ អាយ អេ

សារព័ត៌មាន

យុទ្ធនាការ & ការផ្តល់ជូន

ការងារ

សង្ខេបពី អេ អាយ អេ

របាយការណ៍ហិរញ្ញវត្ថុប្រចាំឆ្នាំ

ទីប្រឹក្សាផែនការជីវិត

កិច្ចការសង្គម

ទីប្រឹក្សាផែនការជីវិត​ | AIA Cambodia

Career

ជំនួយនិងការទាមទារសំណង

ទាក់ទងយើងខ្ញុំ

កម្រងសំណួរ និងចំលើយ

ទីតាំងរបស់យើង

ការទូទាត់ប្រាក់បុព្វលាភ

បុព្វលាភប្រែប្រួលសម្រាប់ជំងឺធ្ងន់ធ្ងរ

ទម្រង់ឯកសារ

ទម្រង់ឯកសារ

មន្ទីរពេទ្យដៃគូ

ការព្យាបាលវេជ្ជសាស្ត្រនិង សំរាកពេទ្យ

ស្វាគមន៍

បណ្ណសន្យាធានារ៉ាប់រង

ប្រវត្តិរូប

Bookmarked Policies

ខ្មែរ

ENG

ទំនាក់ទំនង

ផ្ញើអ៊ីមែលមកយើងខ្ញុំ

កម្រងសំណួរចម្លើយ

កម្រងសំណួរចម្លើយពីការទាមទារសំណង

+ បង្ហាញទាំងអស់

- សង្ខេបសំណួរ

AIA សម្រាប់ជីវិត

+ បង្ហាញទាំងអស់

- លាក់ទាំងអស់

ទូទាត់​ប្រាក់បុព្វលាភ

+ បង្ហាញទាំងអស់

- សង្ខេបសំណួរ

របៀបប្រើប្រាស់ AIAខ្ញុំ

+ បង្ហាញទាំងអស់

- សង្ខេបសំណួរ

បុព្វលាភប្រែប្រួលសម្រាប់ជំងឺធ្ងន់ធ្ងរ

+ បង្ហាញទាំងអស់

- សង្ខេបសំណួរ

ទីប្រឹក្សាផែនការជីវិត | AIA Cambodia

ទូទាត់ប្រាក់បុព្វលាភ